Чыжоўка-Арэна

Мінск / вуліца Ташкенцкая, 19-2

Спартыўна-забаўляльны комплекс

Чыжоўка-Арэна – сучасная шматфункцыянальная спартыўна-культурная пляцоўка, а таксама другі па велічыні беларускі лядовы комплекс (пасля Мінск-Арэны). Папулярны комплекс знаходзіцца недалёка ад знакамітага Чыжоўскага вадасховішча па вуліцы Ташкенцкай. Свае дзверы Чыжоўка-Арэна адчыніла ў снежні 2013 г., і з таго часу гэты ўнікальны будынак лічыцца адной з найбольш папулярных спартыўна-культурных пляцовак Мінска. Усе, каму пашчасціла пабываць на Чыжоўка-Арэне, адзначаюць арыгінальны дызайн гэтай пабудовы, над якім працаваў знакаміты архітэктар Марат Гроднікаў. Вынік яго працы не можа не ўразіць. Яго тварэнне са шкла і металу так нагадвае дзве кропелькі вады!

Пляцоўка ў Чыжоўцы складаецца з Вялікай і Малой арэн, дзе праходзяць топавыя мерапрыемствы міжнароднага класа. Таксама тут арганізуюцца хатнія матчы сталічнага хакейнага клуба «Юнацтва». Калі гаворка ідзе пра Вялікую арэну, яна можа адначасова радаваць да 9000 гледачоў, а для паважаных асоб арганізаваны VIP-месцы. На гэтай маштабнай пляцоўцы аддаецца перавага зімовым відам спорта, у тым ліку фігурнаму катанню і хакею. Для камфорту гледачоў спецыяльна прадумана сістэма кандыцыяніравання, калі цёплае паветра паступае на трыбуны нават падчас правядзення хакейных матчаў. Менавіта на Вялікай арэне ў 2014 годзе праходзілі знакавыя паядынкі Чэмпіянату свету па хакеі. У сценах Чыжоўка-Арэны неаднаразова праводзіўся Міжнародны турнір аматараў хакея на прызы Прэзідэнта, матчы Кубка Федэрацыі па тэнісе, спаборніцтвы Еўрапейскай лігі па валейболе, а ў рамках II Еўрапейскіх гульняў будуць арганізаваны спаборніцтвы па каратэ і дзюдо. Асаблівасць арэны заключаецца ў тым, што яе каробка з лёду можа лёгка трансфармавацца як у пляцоўку для гімнастыкі і бокса, так і ў сцэну, на якой спяваюць зоркі з сусветнымі імёнамі.

Малая пляцоўка, якая ў плане памераў трохі меньш сваёй калегі, змяшчае да 500 чалавек. Як правіла, сюды прыходзяць тыя, хто любіць канькі. А яшчэ тут трэніруюцца тытулаваныя спартсмены і вучні беларускіх школ. Вялікая і Малая арэны звязаны адна з другой канферэнц-залай і прэс-цэнтрам.

Побач знаходяцца «неспартыўныя» месцы: кавярні, сауны, боўлінг. Тут таксама можна ўзяць на пракат ровар, наведаць сеанс класічнага масажа і запісацца на ўрок бальных танцаў. Калі вы з'яўляецеся аматарам шопінга, то на трэцім паверсе комплекса працуе гандлёвы цэнтр, у якім ёсць шмат модных крам, у тым ліку і папулярных беларускіх брэндаў. Ёсць і спецыяльныя кіёскі, дзе можна купіць магніцікі і іншую сувенірную прадукцыю. Для аматараў шопінгу маецца асобны ўваход, а для наведвальнікаў з абмежаванымі магчымасцямі – спецыяльны ліфт.

Літаральна ў пары крокаў ад Чыжоўка-Арэны знаходзіцца аднайменная гасцініца, якую браніруюць турысты, прафесійныя спартсмены і папулярныя выканаўцы.