Ваенна-гістарычны турызм у Беларусі

Ваенна-гістарычны турызм у Беларусі – наведванне памятных гістарычных месцаў, даніна павагі і важны складнік папулярных турыстычных маршрутаў.

Што значыць ваенна-гістарычны турызм для Беларусі?

Гістарычная спадчына Беларусі багатая на аб’екты ваенных дзеянняў, бо на працягу многіх стагоддзяў тэрыторыя краіны з’яўлялася арэнай актыўных ваенных дзеянняў. Не толькі гістарычныя экскурсіі, але і азнаямленчыя турыстычныя маршруты па Беларусі сёння складана ўявіць без наведвання самых вядомых ваенных помнікаў.

Да захаванай ваенна-гістарычнай спадчыны Беларусі адносяцца і сярэдневяковыя замкі, якія некалі абаранялі нашых продкаў ад ворагаў, і месцы бітваў Паўночнай вайны, якія сёння сталі мемарыяльнымі комплексамі. Першая сусветная вайна таксама пакінула на тэрыторыі Беларусі трагічны след у выглядзе помнікаў ваенных падзей. І ўсё ж трагічная спадчына Вялікай Айчыннай вайны складаецца са значна большай колькасці захаваных і адноўленых мемарыялаў. Ваенныя помнікі гэтага перыяду маюць найбольшую папулярнасць сярод турыстаў і жыхароў Беларусі.

Самыя вядомыя месцы для наведвання

Знаёмства з ваенна-гістарычнай спадчынай не абыходзіцца без самых знакавых месцаў, якія ўжо сталі сімваламі Беларусі. Атмасфера часу, у якім адбывалася бязлітасная барацьба за незалежнасць і мір на сваёй зямлі, аказвае істотны ўплыў на ўнутраны стан наведвальнікаў. Вось самыя вядомыя помнікі ваенных гадоў:

• Мемарыяльны комплекс «Брэсцкая крэпасць-герой» шырока вядомы не толькі на тэрыторыі Беларусі, але і за яе межамі. Такая папулярнасць ставіць гэта памятнае месца ў спіс абавязковых да наведвання. Абаронныя ўмацаванні, ацалелыя будынкі і руіны, тэматычныя манументы, скульптурныя кампазіцыі і музей – гэта толькі кароткае апісанне складнікаў мемарыяла.

• Музей гісторыі Вялікай Айчыннай вайны ў Мінску сабраў велізарную колькасць гістарычных матэрыялаў, збораў і помнікаў трагічнай вайны 20-га стагоддзя, стаўшы першым у свеце музеем дадзенай тэматыкі. Яго актуальнасць пастаянна падтрымліваецца за кошт штогадовых папаўненняў калекцый, таму адным наведваннем не варта абмяжоўвацца.

• Музей гісторыі Вялікай Айчыннай вайны  пад Мінскам – яшчэ адзін напамін пра трагізм Вялікай Айчыннай вайны, даніна памяці яе ахвярам. Мемарыял быў адкрыты на месцы спаленай разам з жыхарамі вёскі, стаўшы сімвалам трагедыі ўсяго беларускага народа.

• Гісторыка-культурны комплекс «Лінія Сталіна» па праву заслугоўвае цікавасць падарожнікаў, з’яўляючыся сапраўдным музеем пад адкрытым небам. У экспазіцыі падрабязна ўзноўлены месцы баёў, прэзентавана ваенная тэхніка, артылерыя, танкі і авіяцыя, рэалізаваныя дэманстрацыі ўмацаванняў і мастоў па ваенных чарцяжах.

• Мемарыяльны комплекс «Буйніцкае поле» пад Магілёвам быў створаны на месцы страшных бітваў у першыя дні вайны і стаў сімвалам мужнасці савецкіх салдат. Комплекс складаецца з аркі і 27-метровай чырвонай капліцы, злучаных паміж сабой алеяй. Пры наведванні мемарыяла можна азнаёміцца з ваеннай тэхнікай і ўзорамі баявой зброі.

Тэматычныя мерапрыемствы

Наведванне мемарыялаў, помнікаў і гісторыка-культурных комплексаў – далёка не ўсе магчымасці ваенна-гістарычнага турызму. Нельга не звярнуць увагі і на тэматычныя мерапрыемствы, распаўсюджаныя ў нашай краіне:

• Гістарычныя фестывалі, рэканструкцыі падзей, тэатралізаваныя прадстаўленні, сярод якіх асаблівай папулярнасцю карыстаюцца рыцарскія турніры і фестывалі сярэдневяковай гісторыі, такія як «Гальшанскі замак», «Рыцарскі фэст» у Мсціславе, «Наш Грунвальд» і іншыя.
• Штогадовыя тэматычныя мерапрыемствы да Дня Перамогі (9 мая) і Дня Незалежнасці Рэспублікі Беларусь (3 ліпеня): парады, шэсці і канцэрты, якія арганізуюцца па ўсёй краіне і маюць асаблівае значэнне для беларускага народа.

Ваенна-гістарычны турызм – важная частка адукацыі і развіцця людзей, бо пазнаваць гісторыю не толькі з падручнікаў і фільмаў нашмат займальней. Беларусь мае багатую ваенна-гістарычную спадчыну, якой важна карыстацца для захавання ў памяці падзей мінулых гадоў.