Адрас:
- Брэсцкая вобласць, Столінскі раён, в. Альманы
Чарговы фестываль журавін у Альманах. Аматары ягад зноў збiраюцца на Століншчыне, каб падзяліцца новымі рэцэптамі і абмеркаваць глабальныя экалагічныя праблемы.
Фэст уключае некалькі тэматычных пляцовак. На адной раскажуць пра лячэбныя ўласцівасці журавін, на другой — прапануюць паспрабаваць морс, на трэцяй — створаць амалоджвальную маску для твару. І ўсё гэта з ягад.
У мінулым сезоне фестываль журавін атрымаў статус міжнароднага. У шоў прынялі ўдзел дэлегацыі з Украіны і Польшчы. Гэта дазволіла прыцягнуць увагу сусветнай супольнасці да праблемы захавання Альманскіх балотаў.
У гэтай вёсцы збор журавін стаў не проста хобі, а стылем жыцця. Бегаюць на балота і дзеці пасля ўрокаў, і дарослыя - у любы вольны час.