Выстава з'яўляецца часткай збору найбуйнейшай сусветнай калекцыі ёлачных цацак. Штогод "Музей ёлачных цацак" папаўняе свае фонды. Наведвальнікі ўбачаць экспанаты з Еўропы, Азіі, Аўстраліі, Амерыкі і Афрыкі, аналагаў якім няма ні ў адным еўрапейскім музеі.
"У прадчуванні навагодніх святаў і зімовага чараўніцтва кожнае дзіця зможа акунуцца ў чароўную казку, а дарослы - вярнуцца ў далёкае дзяцінства. Выстава раскажа пра гісторыю вытворчасці шкляных ёлачных цацак з сярэдзіны XIX стагоддзя да нашых дзён і пазнаёміць з традыцыямі навагодніх святаў розных краін, у тым ліку Конга, Перу, Інданэзіі, Новай Зеландыі, Паўночнай Карэі ", - распавялі ў музеі.
Праект створаны сумесна з завода ёлачных цацак "Грай". Госці музея змогуць даведацца усе сакрэты вытворчасці навагодніх упрыгожванняў на адзіную ў Беларусі фабрыцы ёлачных цацак, а таксама пад кіраўніцтвам мастакоў прадпрыемства прайсці адукацыйныя майстар-класы па вырабе ёлачных цацак. Для самых маленькіх гасцей арганізатары падрыхтавалі да паказу мініятурны інтэрактыўны калядны гарадок.