Дзень турызму адзначаецца кожны год 27 верасня. Гэтая дата абраная не выпадкова, у гэты дзень Сусветная турысцкая арганізацыя прыняла свой Статут, таму 27 верасня – значны дзень для работнікаў сферы турызму. Часткай прафесійнага свята становяцца традыцыйныя канферэнцыі, воркшопы, круглыя сталы і іншыя мерапрыемствы, накіраваныя на развіццё турыстычнай сферы. А для звычайных турыстаў – гэта яшчэ адна нагода адправіцца ў падарожжа.
У чым асаблівасць Сусветнага дня турызму ў 2021
Цяпер няпросты час для турыстычнай сферы: пандэмія накладвае свае абмежаванні і падарожнічаць стала не так проста, як у «дакавідныя часы». У выніку гэта прыводзіць да праблем у рэгіёнах, дзе турызм – асноўная крыніца працы. Таму тэмай Дня турызму ў 2021 стала забеспячэнне інклюзіўнага росту ў турызме.
Турызм – гэта драйвер, які можа спрыяць аднаўленню і росту эканомікі. Цяпер галіна «перазапускаецца» і пачынае функцыянаваць у іншым ключы, таму адна з мэт, якую ставіць перад сабой Сусветная турысцкая арганізацыя, – зрабіць турызм больш інклюзіўным, каб ён спрыяў дасягненню мэт устойлівага развіцця. Гэта зробіць турызм камфортным для людзей з абмежаванымі магчымасцямі.
Як адсвяткаваць Сусветны дзень турызму
Сёлета свята выпадае на панядзелак, таму гэта будзе падставай палепшыць пачатак тыдня. Для гэтага мы склалі спіс ідэй, якія дапамогуць вам правесці гэты дзень з карысцю.
Пайсці прагуляцца ў парк ці паехаць за горад: адпачыць на прыродзе – заўсёды добрая ідэя. У канцы верасня прырода яшчэ захоўвае яркія восеньскія фарбы, таму варта выкарыстоўваць такія пейзажы для фотасесій.
Славутасці роднага горада: варта задацца пытаннем, як даўно вы наведвалі цікавыя месцы, якія знаходзяцца непадалёк. Калі вы не памятаеце, калі хадзілі туды ў апошні раз, то самы час выправіць сітуацыю.
Музеі: гэта добры спосаб даведацца крыху больш пра сваё месца жыхарства, так, напрыклад, краязнаўчыя музеі захоўваюць цікавыя гісторыі і факты, пра якія мясцовыя жыхары могуць і не ведаць. Таму даведвайцеся час працы і наперад!
Рэстараны нацыянальнай кухні: нават закрытыя межы не перашкодзяць зведаць гастранамічную культуру іншай краіны, калі ў вас блізка размешчаны тэматычны рэстаран. Нават калі яго няма, можна асвяжыць у памяці смак страў нацыянальнай беларускай кухні, прыгатаваўшы іх дома і адсвяткаваўшы Дзень турызму ў коле родных і блізкіх.
Пайсці ў паход ці адправіцца ў іншы горад: Дзень турызму – выдатная нагода адправіцца ў падарожжа. Або вы можаце адправіцца ў падарожжа на выходных, тады свята для вас будзе яшчэ адным аргументам, каб выкарыстоўваць гэтую магчымасць.
«Хатні турызм»: каб атрымаць новыя ўражанні ад цікавых месцаў, не абавязкова кудысьці выходзіць. Бо ёсць Youtube або фатаграфіі з мінулых паездак. На Youtube у Дзень турызму варта глядзець перадачы «Арол і рэшка», «Свет навыварат», «Сваім ходам» і іншыя каналы пра падарожжы. Якраз нагода зазірнуць за закрытыя межы і пагрузіцца ў іншую культуру.
А каб крыху лепш вывучыць нашу краіну, заходзьце на сайт BelarusTravel. Тут можна не толькі даведацца нешта новае пра Беларусь, але і пабудаваць планы на найбліжэйшыя выходныя ці на адпачынак. Таму сачыце за абнаўленнямі, вандруйце і любіце нашу краіну!