Дата і час:
1 - 30 лістапада
Адрас:
Мінская вобласць, Барысаўскі раён, в. Студзёнка
Форум нагадвае пра падзеі, якія разгарнуліся ў гэтых месцах больш за 200 гадоў таму: тады ў вёсках Студзёнка і Брылі адбылася знакамітая пераправа французскага імператара праз Бярэзіну. Увосень 1812-га расійскае войска паспрабавала акружыць абяскроўленыя войскі французаў і канчаткова іх знішчыць. І гэта бітва стала настолькі знакавай, што ў французскай мове з'явілася новае слова — berezina, якое азначае крушэнне ўсіх надзей.
Прадухілілі фатальны зыход напалеонаўскія пантанёры: знаходзячыся ў жудасных кліматычных умовах, яны ахвяравалі сабой у лістападзе 1812 года, каб пабудаваць два масты праз Бярэзіну. Амаль усе тады загінулі ад пераахаладжэння. Але, дзякуючы іх подзвігу, вялікая армія Напалеона пазбегла канчатковага акружэння. Імператар і карпусы арміі, якія яшчэ маглі змагацца, пераправіліся праз раку і працягнулі адступаць да Вільнюса.