Восеньскі салон 2021

Крыху пра «Восеньскі салон»

З 2015 года ў маладых беларускіх мастакоў ва ўзросце ад 18 да 40 гадоў з'явілася выдатная магчымасць знайсці сваіх гледачоў, пакупнікоў і знатакоў творчасці, паўдзельнічаўшы ў праекце «Восеньскі салон». З аднаго боку, выстава аказвае моцнае ўражанне, з другога – неадназначнае. Зрэшты, па-іншаму і быць не можа, калі гаворка ідзе пра сучаснае мастацтва. Бо сучаснае мастацтва вельмі яркае і правакацыйнае, яно імкнецца завалодаць сэрцам гледача!

Што вас чакае сёлета?

З 8 кастрычніка ў Мінску стартуе выстава-продаж работ маладых мастакоў Беларусі «Восеньскі салон-2021». Гэта мерапрыемства пройдзе ўжо ў сёмы раз. Яго мэтай з'яўляецца папулярызацыя мастацтва і знаёмства гледача з работамі сучасных мастакоў Беларусі. Маладыя творцы прэзентуюць свае творы ў розных відах выяўленчага мастацтва. Тут можна паглядзець і набыць цікавы жывапіс і графіку, сучасную скульптуру і фатаграфію. Таксама на выставе вы знойдзеце незвычайныя дэкаратыўна-прыкладныя вырабы, розныя інсталяцыі і нават відэа-арт. Урачыстае адкрыццё праекта адбудзецца 8 кастрычніка з 18:00 да 21:00 у Палацы мастацтва. Наведаць адкрыццё можна бясплатна. Працягвацца «Восеньскі салон» будзе да 31 кастрычніка.

Сёлета на выставе будзе паказана больш за 400 работ мастакоў з розных гарадоў Беларусі. У праекце прымуць удзел 178 маладых беларускіх мастакоў, чые творы адабраныя прафесійным журы. Практычна ўсе работы будуць прадстаўлены на афіцыйнай анлайн-платформе па продажы мастацтва Аrtcenter.by. На сайце вы таксама зможаце знайсці падрабязную інфармацыю пра ўпадабаны твор і яго аўтара. Наведвальнікі могуць падтрымаць маладых мастакоў пры дапамозе сістэмы галасавання. Пасля завяршэння выставы творцы, якія набралі найбольшую колькасць галасоў, будуць узнагароджаны прызамі ад партнёраў праекта.

Самае важнае

Наведаць «Восеньскі салон-2021» можа любы жадаючы, а для групавых наведванняў выставы працуе 50% зніжка (прапанова дзейнічае ў будныя дні да 16:00 і распаўсюджваецца на групы ад 10 чалавек).

Час працы цэнтральнай экспазіцыі: 11:00 - 20:00, без выхадных.

Білеты: 8 BYN — поўны, 4 BYN — ільготны.

Некалькі цікавых фактаў

• Праект «Восеньскі салон» упершыню прайшоў у Мінску ў 2015 годзе і быў прысвечаны 25-годдзю «Белгазпрамбанка».
• Першы Салон імкнуўся ўзнавіць атмасферу пачатку ХХ стагоддзя, таму на выставе разам з маладымі аўтарамі можна было ўбачыць работы рэальных удзельнікаў легендарных парыжскіх Восеньскіх салонаў, якія захоўваюцца ў карпаратыўнай калекцыі «Белгазпрамбанка»: Льва Бакста, Марка Шагала, Хаіма Суціна і Оскара Мешчанінава.
• Кожны Салон адрозніваўся ад папярэдняга. Змяняліся члены нацыянальнага і міжнароднага журы. Былі розныя ўзнагароды пераможцам: ад удзелу ў Парыжскім Восеньскім Салоне і грашовых прызоў, да персанальнай выставы ў галерэі «Арт-Беларусь». Што ж чакае наведвальнікаў у 2021 годзе можна толькі здагадвацца.

Гэта не проста выстава, а частка гісторыі мастацтва Беларусі. Разнастайнасць прадстаўленых работ уразіць кожнага, бо творчасць маладых мастакоў, трэба адзначыць, вельмі таленавітая. І жывая, зацікаўленая рэакцыя публікі пацвярджэнне гэтага. І так, мабыць, гэта яшчэ і адзін з самых працяглых арт-праектаў у нашай краіне.