Ашмянскі дражжавы завод (1881 г.)

Ашмянскі дражджавы завод адно з найстарэйшых прадпрыемстваў Беларусі. Будаўніцтва вінакурна-драджавога завода пачалося ў 1878 г., у 1881 г. завод пачаў выпускаць спірт і дрожджы. Першы ўладальнік завода купец 2-й гільдыі Л.Д.Стругач (1842 – 1906). Завод спыніў дзейнасць у сувязі з 1-й Сусветнай вайной. Адноўлены ў 1921 г. (уладальнікі Абрам і Давід Стругачы). У 1939 г. завод нацыяналізаваны (дырэктарам прызначаецца А.Л.Ягуда). Колькасць рабочых і служачых на прадпрыемстве: 1884 г. – 10 чалавек, 1895 г. – 15, 1900 г. – 31, 1908 г. – 32, 1940 г. – 84, 1941 г. – 110. Завод дзейнічаў у час акупацыі раёна (у 1942 г. на ім працавалі 46 чалавек). Летам 1944 г. разбураны, у канцы 1944 г. адноўлены. У пасляваенныя гады выпускаў дрожджы, сіроп (на сахарыне), морс, хлебны квас, напітак (1945 – 1954), спірт (1947 – 1950), марынаваныя грыбы (1947). Дрожджы вырабляліся двух відаў – прасаваныя і сухія. На працягу шэрага гадоў з’яўляўся вытворчым участкам Мінскага дражджавога завода. З 1996 г. – ААТ “Дражджавы камбінат” – Ашмянскі дражджавы завод. У 2020 годзе завод стаў унітарным прадпрыемстам.