кантакты:
Адрас:
Мінская вобласць, Мінскі раён, а/г Дукора, ул. Школьная, 15
Нездарма гэты музейны комплекс завецца маёнткам: тут знаходзяцца самыя разнастайныя будынкі. Тут ёсць і маленькія мануфактурныя прадпрыемствы, і бровары, і майстэрні. Адказ на пытанне «Адкуль гэта ўсё ўзялося?» цесна звязаны з мэтай працы Дукорскага маёнтка. А сам адказ, вядома ж, у гісторыі: на тэрыторыі Беларусі амаль кожны пяты быў з шляхецкага саслоўя, але праз палітычныя абставіны гэты невялікі перыяд практычна сцёрся. Музейны комплекс служыць нам напамінам падзей двухсотгадовай даўніны і распавядае сваю насычаную, доўгую гісторыю.
Загадкавая гісторыя комплексу
Гісторыя Дукорскай сядзібы і яе ўладальнікаў дагэтуль застаецца да канца нязведанай. На дадзены момант вядомы гістарычныя персоны, якія дзейнічалі на дукорскай зямлі ў розны час і эпохі, людзі даволі публічныя, якія пакінулі заўважны след у нашай гісторыі. Ёсць нататкі Р. Афтаназі, А. Урбанскага, А.Т. Федарука.
А вось спіс іншых уладальнікаў: род Кежгайлаў, потым Сапегі, Завішы, Агінскія... Усё як быццам бы ляжыць на паверхні... Але, калі пачынаеш паглыбляцца, выплывае шмат пытанняў. Хто з Кежгайлаў быў першым уладальнікам? А што было да іх? Хто канкрэтна з роду Сапегаў быў гаспадаром маёнтка?
Маёнтак зараз
Пытанняў з кожным днём становіцца ўсё больш, але ў дадзены момант кіпіць вялікая праца па адраджэнні кожнага этапу гісторыі сядзібы. Сабраная каманда спецыялістаў, якія сцвярджаюць, што знайшлі цікавыя факты, якія абвяргаюць ужо існуючыя. У інтэрнэце вы, вядома, нічога не знойдзеце, бо тое, што ўжо атрымалася даведацца, распавядаюць на экскурсійных праграмах.
А як шмат лакацый! Тут вам і ўязная брама, і стайня, і музей, і сцэна, і капліца, і ганчарная, ткацкая, свечачная майстэрні, і кузня, і бровар, і вяровачны гарадок, і цір, і дзіцячая пляцоўка, і страйкбол, і лодкі, і атракцыёны, нават перавернуты дом і гэта яшчэ не ўсё...
Трохі пра цікавае
Перавернуты дом. Галоўная асаблівасць дома – не толькі ў тым, што мэбля ў ім перавернутая дагары галавою, а тое, што ён стаіць пад нахілам. Дарэчы, ён з’яўляецца першым у Беларусі. Наведвальнікі, якія ўжо пабывалі там, папярэджваюць, што ісці туды з поўным жыватом дакладна не варта.
Дуб жаданняў. Гэтаму дубу ўжо больш за трыста год, вышынёй ён амаль трыццаць метраў, а дыяметрам каля двух.
Прыклаўшыся далонямі да кары гіганта, вы пачуеце цішыню самога сябе і, такім чынам, адшукаеце энергію для сваіх жыццёвых планаў і мэт!
Свечачная майстэрня. Пасля з’яўлення бортніцтва славяне навучыліся здабываць мёд і рабіць свечкі. У гэтай майстэрні будзе нясумна нават тым, хто лічыць свечкі маркотнымі цыліндрамі з воску. А яны бываюць самымі рознымі. Асаблівасць такой майстэрні – старыя тэхналогіі на сучасны лад і выкарыстанне пчалінага воску.
Экскурсіі
Арганізаваныя розныя экскурсійныя праграмы па ўсім Дукорскім маёнтку. Разглядаюцца яны па сегментах наведвальнікаў: асобна для школьнікаў чацвёртых і дзявятых класаў, анімацыйныя экскурсіі для дзяцей і дарослых, музычныя, карпаратыўныя, забаўляльныя канцэрты, спартыўныя гульні, тэматычныя вечарыны, святкаванне народных і рэлігійных святаў.
Акрамя гэтага, на тэрыторыі маёнтка можна арганізаваць вяселле, арандаваць памяшканні і, вядома, выдатна правесці выхадныя і адпачыць. Тут Вы можаце арандаваць гасцявыя домікі для вялікай і шумнай кампаніі або проста для сябе і сваёй сям’і. Знойдуцца домікі любога памеру!
Музейны комплекс знаходзіцца на тэрыторыі Мінскай вобласці ў аграгарадку Дукора.
Больш падрабязнасцяў Вы можаце даведацца па спасылцы: https://dukora.by/
Такім чынам, пабываўшы ў гэтай цудоўнай сядзібе, Вы не толькі адновіце ўнутраную энергію і баланс, але яшчэ і даведаецеся факты з гісторыі шляхты, акуняцеся з галавой у розныя эпохі і застанецеся задаволеныя!
Падзеі
Плануеце паездку ў Беларусь, але яшчэ не вырашылі, куды ісці і што рабіць?
Азнаёмцеся з нашымі рэкамендацыямі аб паездках і даведайцеся больш пра рэгіёны.