Адрас:
Віцебская вобласць, Полацкі раён, г. Полацк, вул. Ніжне-Пакроўская, 46
Дзіцячы музей – адзіны ў Беларусі — адчынены 28 мая 2004 г. Экспазіцыя размяшчаецца ў будынку, помніку архітэктуры канца ХІХ — пачатку ХХ стст.
У залах прадстаўлены калекцыі гадзіннікаў, службовых званочкаў, вагаў і гіраў, патэфонаў, грамафонаў, фотаапаратаў, самавараў, паштовак, марак, канвертаў і манет. Экспазіцыя Дзіцячага музея дапаможа кожнаму наведвальніку, незалежна ад узросту, адкрыць для сябе дзівосны свет звыклых рэчаў.
Толькі ў нашым музеі наведвальнікам прадастаўляецца ўнікальная магчымасць прэзентаваць сваю ўласную калекцыю ў рамках выставачнага праекта «Свет маіх захапленняў».
Своеасаблівай візітнай карткай музея сталі скульптуры Паўла Вайніцкага «Шкаляр» і «Дзяўчынка з сонечным гадзіннікам».