Адрас:
Віцебская вобласць, Віцебск, Палацавая вуліца, 2
Тэатр − заўсёды добры варыянт для адпачынку. Назіранне за тым, як перад табой разгортваецца гісторыя ў рэжыме рэальнага часу, выклікае буру эмоцый і суперажыванне. Таму здаецца, што гэта і не гульня зусім, а рэальная падзея, гледачом якой Вы сталі выпадкова.
І таму мы раім Вам у вольны час схадзіць у тэатр. Якраз у гэтым сезоне Нацыянальны акадэмічны драматычны тэатр імя Якуба Коласа святкуе сваё 95-годдзе, а гэта выдатная нагода зазірнуць у афішу: там Вас чакае нешта новае. Але для пачатку даведаемся гісторыю тэатра.
Гісторыя тэатра
Тэатр заснаваны 21 лістапада 1926 года. Асновай для тэатра паслужыла драматычная студыя пры ММАТ імя Максіма Горкага. За час існавання студыі з яе выпусціліся такія артысты, як С. Станюта, Р. Кашэльнікава, П. Малчанаў, Т. Сяргейчык і іншыя.
Яшчэ ў 20-30-я гады тэатрам была закладзена традыцыя супрацоўнічаць з беларускімі дзеячамі культуры: так з ім працавалі Кузьма Чорны, Янка Купала, Якуб Колас і іншыя. З цікавых фактаў: спектакль “Несцерка” знаходзіцца ў рэпертуары тэатра з 1941 года, што гаворыць пра яго папулярнасць нават у сучасных гледачоў. Так што калі Вы ні разу не былі, то самы час даведацца, у чым асаблівасць гэтага спектакля.
Святкаванне 95-годдзя Нацыянальнага акадэмічнага драматычнага тэатра імя Якуба Коласа
У гонар свайго юбілею тэатр прадставіць прэм’еру − трагікамедыю “Ціль” па п’есе Р. Горына. У пастаноўцы задзейнічана практычна ўся трупа тэатра, таму паказ абяцае быць маштабнай падзеяй.
Спектакль “Ціль” − гэта гісторыя пра сярэднявечнага блазна Ціля Уленшпігеля. Яго бацькам прадказалі, што іх дзіця будзе героем Фландрыі. Гледачы ўбачаць, як з веселуна Ціль ператвараецца ў сімвал мужнасці і змагара за праўду. Галоўны герой саркастычны і шчыры, таму яго востры язык мала каго пакіне абыякавым. У трагікамедыі Ціль змагаецца з хлуснёй, па-філасофску разважае і робіць усё, каб дабро перамагло.
А таксама ў снежні адбудзецца яшчэ дзве прэм’еры: монаспектакль З. Гурбо “Казкі Караткевіча” і спектакль “Калі заспявае певень” паводле п’есы А. Замкоўскага. Тэатр абяцаў і іншыя навінкі, якія, магчыма, будуць вядомы пазней.
У тэатры ёсць пастаноўкі і для дзяцей: напрыклад, да Новага года, з 18 снежня будзе ісці спектакль “Чароўны хлопчык”. Гэты спектакль пра сямейную пару, якая хацела дзіця. Для гэтага яны звярнуліся да шаптухі Аўдоцці, але ў яе былі іншыя планы на чароўнага хлопчыка Максімку.
Таксама ёсць і іншыя пастаноўкі: “Мая жонка – падманшчыца”, “Цалуй мяне, Кэт!”, “8 закаханых жанчын”, “Каханне і падаткі”, “Гісторыя кахання”, “Шлюб па-італьянску” і яшчэ некалькі пастановак − пра каханне і сямейнае жыццё, “Бальніца на краі свету” − пра лёс 5 пацыентаў лякарні, “Звярыныя апавяданні” − пра тое, як жывёлы бачаць людзей. Гэта толькі частка рэпертуару тэатра, якія Вы застанеце ў гэтым сезоне. Таму раім Вам дадаткова паглядзець афішу: там Вы знойдзеце яшчэ больш цікавых пастановак.
Belarus Travel віншуе Нацыянальны акадэмічны драматычны тэатр імя Якуба Коласа з 95-годдзем! Запрашаем наведаць хаця б адну тэатральную пастаноўку − мы ўпэўненыя, што Вы не пашкадуеце і атрымаеце задавальненне ад спектакляў.