Сотні маляўнічых азёр, некранутая прырода і незвычайны рэльеф ледніковага перыяду зрабілі Браслаўскі край адным з самых выдатных куткоў Беларусі. Ён размяшчаецца на крайнім паўночным захадзе Рэспублікі Беларусь у правінцыі з паэтычнай назвай «Беларускае Паазер'е».
Гэта месца, дзе:
каля 300 азёр і вадаёмаў;
пражываюць рэліктавыя бесхрыбетныя, якія сведчаць аб чысціні вады;
засяроджана каля 35% птушак, якія гняздуюцца ў Беларусі;
край астравоў: на тутэйшых азёрах іх больш за 100;
водзіцца больш за 30 відаў рыб.
Толькі тут:
«аглядная пляцоўка» Браслаўскага раёна – гара Маяк (174 метры);
мноства геалагічных і гістарычных помнікаў – ад глыбокай старажытнасці да сучаснасці;
выдатная магчымасць заняцца падводным плаваннем, прагулачным парусным спортам.