З гісторыі…
Рэспубліканскі цэнтр алімпійскай падрыхтоўкі па вяслярных відах спорту створаны 1 студзеня 2006 года на базе Рэспубліканскай школы вышэйшага спартыўнага майстэрства па водных відах спорту. Адразу ж пачалася маштабная рэканструкцыя аб'екта. Было праведзена будаўніцтва інжынернай і транспартнай інфраструктуры, адміністрацыйна-бытавога корпуса, медыка-аднаўленчага цэнтра, іншых аб'ектаў. Рэканструкцыя цалкам завяршылася ў 2011 годзе.
Вяслярны канал размешчаны ў паўночна-заходняй частцы Заслаўскага вадасховішча на ўпадзенні ў яго галоўнага канала Вілейска – Мінскай воднай сістэмы ў горада Заслаўе і мае працягласць 2150 метраў, шырыня канала – 130 метраў, яго глыбіня-3,5 метра.
На тэрыторыі вяслярнага канала размешчаны фінішная вышка з трыбунай на 152 месцы і прамежкавая Трыбуна умяшчальнасцю 480 месцаў.
На тэрыторыі цэнтра ёсць інтэрнат на 72 месцы, сталовая і элінгі для захоўвання спартыўных лодак.
Сёння гэта-сучасны, утульны аб'ект, дзе створаны ўсе ўмовы для правядзення
міжнародных спаборніцтваў, вучэбна-трэніровачных збораў, адпачынку і аднаўлення спартсменаў.
Цэнтр з'яўляецца вядучай установай Рэспублікі Беларусь па падрыхтоўцы нацыянальных і зборных каманд па веславанні акадэмічным і веславанні на байдарках і каноэ.
На базе цэнтра праводзіліся міжнародныя спаборніцтвы: чэмпіянат Еўропы па акадэмічным веславанні сярод юніёраў (2013 г.), Чэмпіянат свету па веславанні на байдарках і каноэ сярод студэнтаў (2014 г.), Чэмпіянат свету сярод юніёраў і моладзі (2016 г.), II Еўрапейскія гульні (2019 г.).
Удалае размяшчэнне комплексу (13 км ад Мінскай кальцавой дарогі), маляўнічая прырода, камфортныя ўмовы, гасцінны персанал ствараюць выдатную магчымасць для сямейнага і карпаратыўнага адпачынку.