Селішча, в.Лужасна

Селішча прымыкае да гарадзішча з паўночнага боку. Памеры 150×35. Размешчана на озавай градзе, якая выцягнута сярод двух забалочаных нізін. На ёй знаходзіцца гарадзішча (бліжэй да дарогі Віцебск – Гарадок) і селішча. Прасцей за ўсё да аб’екта падысці па сцежцы праз гарадзішча ад аўтадарогі (уваход адразу за чыгуначным пераездам). Пляцоўка селішча няроўная. Узвышаецца ў цэнтральнай частцы. Схілы да вады часам стромкія. Балоты вакол раней з’яўлялася азёрамі, месцамі у іх праглядаюцца чыстыя ад воднай расліннасці ўчасткі. Праз селішча ідзе лясная сцяжына, маецца некалькі вялікіх ўчасткаў з прасеўшай зямлёю. Выцягнутыя на некалькі дзясяткаў метраў нагадваюць акоп часоў вайны.