Дата публікацыі:
17 верасня 2022
Адпачынак у аграсядзібах досыць свежы напрамак турызму ў Беларусі, але яго ўжо паспелі ўпадабаць як самі беларусы, так і госці рэспублікі. Гэта і зразумела! Стаміўшыся ад мітусні і хуткабежнасці вялікіх гарадоў, мы хочам абстрагавацца і з'ехаць падалей, каб нацешыцца душэўнай раўнавагай на ўлонні прыроды.
Аднак, адпачынак у аграсядзібах гэта не толькі пра супакаенне і «безрабоцце», гэта яшчэ і актыўны адпачынак. Многія аграсядзібы прапануюць прагулкі на конях, роварах, квадрацыклах і мноства іншых актыўнасцяў.
Мінская вобласць заўсёды вабіць турыстаў сваёй унікальнай прыродай і чароўнымі краявідамі. Не дзіўна, што на яе тэрыторыі размешчана такое мноства аграсядзіб! Многія з іх прапануюць адпачыць на берагах рэк Пціч, Бярэзіна, Нёман і іншых. Заслужана прыроднымі багаццямі Мінскай вобласці лічацца і курортныя зоны такія, як Нарачанскія азёры, Налібоцкая пушча, возера Сялява, гарналыжны курорт Сілічы, а размешчаныя на іх тэрыторыі аграсядзібы з'яўляюцца ўпадабаным месцам прыпынку для гасцей. І маюць рэпутацыю адпачынку з камфортнымі ўмовамі і добрым сэрвісам.
Сядзіба «Новае Гарадзішча»
Сядзіба «Новае Гарадзішча» — гэта маляўнічае месца ўдалечыні ад гарадскога шуму і мітусні. Знаходзіцца сядзіба недалёка ад Лагойска за 6 км ад гарналыжных цэнтраў «Сілічы» і «Лагойск». Лагойскі раён лічыцца Беларускай Швейцарыяй і вабіць узгорыстымі краявідамі, чыстым паветрам.
На тэрыторыі сядзібы ў 3 га «Новае Гарадзішча» размешчаны: дом паляўнічага, дом лісічкі, дом вавёрачкі, дом рыбака і панскі дом. У кожным з іх ёсць усё неабходнае для пражывання.
Гасцям аграсядзібы прапануюць адправіцца на рыбалку, таксама ў іх распараджэнні лазня з унутраным і знадворным басейнамі, більярд. Каля сажалкі ёсць альтанкі з мангаламі для адпачынку. А аматарам больш актыўнага баўлення часу спадабаецца катанне на квадрацыклах і снегаходах.
Адрас: Лагойскі р-н, в. Новае Гарадзішча.
Аграсядзіба «Тры Скрыпкі»
Аграсядзіба «Тры Скрыпкі» знаходзіцца ў цэнтры Нарачанскага краю паміж трох азёр: Нарач, Мядзель і Кузьмічы. Тут вас чакае традыцыйны вясковы пачастунак з печкі, з выкарыстаннем натуральных прадуктаў. А для актыўнага адпачынку – байдарачныя сплавы, конная язда, і, вядома, рыбалка.
Гаспадар сядзібы прапануе цэлы шэраг маршрутаў для велападарожжаў, водных паходаў усіх узроўняў складанасці, майстар-класы па выпечцы хлеба, пляценні з лазы, гатаванні ежы ў печы. А традыцыйная беларуская лазня «па-чорнаму» зацікавіць тых, хто цэніць сапраўдную пару і верыць у існаванне «лазніка».
Адрас: Мінская вобласць, Мядзельскі раён, в. Ляшчынск, вул. Маладзёжная, 12.
Сядзіба «Цішыня ды спакой»
Сядзіба «Цішыня ды спакой» размешчана ў Бярэзінскім раёне паблізу ракі Бярэзіна.
Тут да вашых паслуг усё для камфортнага адпачынку: лазня, хамам, люкс для маладых, басейн з падагрэвам, більярд. Рака Бярэзіна, рыбалка, ровары, квадрацыкл, маторная лодка, а таксама прагулкі вакол вадаёма пад шум вадаспада, багатае азеляненне, гамак і арэлі зробяць ваша знаходжанне на свежым паветры больш разнастайным.
А маленькім гасцям вельмі падабаецца хатка Бабы-Ягі і назіральная пляцоўка-млын. Незвычайны карабель з пунсовымі ветразямі, на верхняй палубе якога можна пасмажыць шашлык і атрымаць ад яго асалоду з выдатным краявідам, пацешыць аматараў фотасесій.
Адрас: Бярэзінскі раён, в. Чырвоная Зорка, вул. Садовая, 12.
Турысты, якія пабывалі ў беларускіх сядзібах, вяртаюцца ў іх зноў і зноў і прывозяць сяброў. Сёння гэты напрамак турызму актыўна развіваецца, уражваючы сваёй разнастайнасцю і сэрвісам. Адпачывайце ў Мінскай вобласці, і вы не застаняцеся абыякавымі да гасціннасці гаспадароў і прыгажосці прыроды!