Актыўны адпачынак восенню

Аэрадынамічная труба

Калі вы любіце адрэналін і заўсёды хацелі навучыцца лятаць, тады гэта для вас. Выдатнае месца, каб разагнаць нуду і адчуць эмоцыі, якія займаюць дух! На першы погляд гэта забаўка падыходзіць толькі адважным і фізічна падрыхтаваным людзям. Але насамрэч лятаць могуць усе, нават трохгадовыя дзеці. 

Падрыхтоўка да палёту вельмі простая. Вам выдадуць адмысловы касцюм – камбінезон, ён дапаможа паменшыць супраціўленне паветра, каску, акуляры і затычкі для вушэй. Пасля вам правядуць кароткі інструктаж і наперад! Хвалявацца не варта, нават калі гэта ваш першы палёт. Цягам усяго часу з вамі будзе знаходзіцца інструктар, які падкажа, што і як правільна рабіць.

Аквапарк

Аквапаркі – гэта найлепшае месца для забаў для ўсёй сям'і. А крытыя аквапаркі як маленькі курорт проста ў гарадской рысе. Калі вам хочацца прыемна правесці час разам з сябрамі ці сям'ёй, водныя атракцыёны стануць ідэальным рашэннем.

Шматлікія горкі розных узроўняў складанасці для дзяцей і дарослых, джакузі, гідрамасаж і дзіцячыя гульнявыя комплексы дапамогуць вам адчуць буру эмоцый і атрымаць асалоду ад пачуцця адпачынку ўсяго цела. А пасля насычанага дня можна адпачыць у СПА-зоне.

Боўлінг

Боўлінг – дзівосная гульня, адначасова простая і складаная, даступная кожнаму і якая патрабуе пэўнага спрыту. Самае цікавае – катаць мяч па дарожцы і збіваць кеглі. Гульня надзвычай простая, і чым лепш вашыя кідкі, тым больш займальным робіцца боўлінг-турнір з сябрамі.

За такую ўніверсальнасць, за азарт і радасць перамог боўлінг любяць ва ўсім свеце. На першы погляд, гэты від спорту не здаецца такім ужо актыўным. Насамрэч, за гадзіну гульні можна згубіць каля 273 ккал. Да таго ж, гэта выдатны варыянт правесці незабыўны вечар у коле сям'і, сяброў ці калег. 

Не варта забываць і пра адпачынак на свежым паветры. Не ўсю ж восень ідзе дождж і дзьме пранізлівы вецер. 

Джып-туры

Туры на джыпах цікавыя ў любы сезон, аднак восень хіба найлепшая для іх пара года. Магутныя пазадарожнікі створаны, каб пераадольваць бруд, плыткія вадаёмы, размытыя дарогі і многае іншае, а восеньская слота з лішкам дае ім такую магчымасць. Тым больш у халаднаватае надвор'е падарожнічаць на аўтамабілі значна прыемней, чым у спякотнае лета ці снежную зіму. Зладзьце па-сапраўднаму запамінальную актыўную забаву для сваіх сяброў і блізкіх. Адчуйце кайф ад язды па бездаражы і атрымайце незабыўныя ўражанні на ўсё жыццё!

Велатурызм

Велатурызм – гэта выдатная разнавіднасць спорту і добры спосаб правесці час з карысцю для здароўя. Вы зможаце агледзець славутасці, палюбавацца прыгожымі краявідамі, атрымаць асалоду ад заходаў і світанкаў, пераадолеўшы вялікія адлегласці за кароткі тэрмін. А можна зладзіць велазаезд і ў рысе любімага горада.

Восень веласіпедыстам не перашкода, восеньскае паветра чысцейшае і прыемнейшае за летняе, а халаднаваты вецер бадзёрыць і надае сіл. Толькі ўявіце, як вы імчыцеся насустрач прыгодам! Ці ж гэта не рамантыка?

Воркаўт

Воркаўт – гэта самы энергазатратны і самы выгадны спорт. Бо для трэніровак вам спатрэбяцца толькі энтузіязм і вуліца. І вынікі такой нагрузкі не прымусяць сябе доўга чакаць.

Для воркаўта не патрэбныя адмысловыя навыкі, прысутнасць асабістага трэнера, спецыялізаваныя трэнажоры ці іншыя прыстасаванні – займацца можна ў любы зручны час у адзіночку ці з сябрамі, і толькі вы выбіраеце працягласць і інтэнсіўнасць трэніроўкі.

І, незалежна ад таго, ці займаецеся вы ў памяшканні ці на свежым паветры, актыўны адпачынак стане выдатным спосабам набрацца энергіі і добрага настрою!