Александрыя збірае сяброў 2021

Як развіваўся фестываль?

• Усё пачалося з 2010 года: тады на мерапрыемства прыехалі толькі людзі з бліжэйшых гарадоў, такіх як Магілёў, Шклоў і Орша, і вёсак.
• А ў наступным годзе на свяце прысутнічалі ўжо расійскія і ўкраінскія артысты.
• У 2012 быў зроблены акцэнт на выставы рамеснікаў з розных краін, а таксама праводзілася пасяджэнне Прыдняпроўскіх краін.
• Наступны фестываль вырас да таго, што ў праграме былі і прэзентацыя новых праектаў, і правядзенне міжнародных майстар-класаў па кераміцы, і археалагічная выстава.
• 2014 год быў юбілейным для фестывалю, на ім праходзілі тры буйныя кірмашы: Ніжагародскі, Сарочынскі і Александрыйскі, а ў «Гасцёўні бульбаша» гасцям прапаноўвалі пакаштаваць традыцыйную беларускую кухню.
• На наступным свяце наведвальнікам паказалі мюзікл «Папараць-кветка», які настолькі ўсім спадабаўся, што яго потым паказвалі ў іншых гарадах Беларусі. Так з’явілася новая традыцыя на фестывалі – паказ тэатральных выступаў.
• У 2016 упершыню правялі экскурсію па свяце і акунулі ўсіх прысутных у сапраўдную купальскую казку.
• Праз год фестываль «Александрыя збірае сяброў» атрымаў міжнародны статус, дзе ўжо ўдзельнічалі латвійскія, літоўскія, эстонскія і польскія калектывы.
• У 2018 годзе колькасць гасцей узрасла да 110 тысяч!
• У наступныя гады на свяце арганізоўвалі мноства забаў для моладзі і праводзілі розныя ўзнагароджанні, урачыстыя адкрыццё і закрыццё свята.

Чаго чакаць у 2021 годзе?

Гэтым разам свята будзе праводзіцца з 10 па 11 ліпеня, і, па традыцыі, праграма будзе вельмі насычанай, у ёй будуць свае сюрпрызы.

У суботу, 10 ліпеня:

• Будзе працаваць экскурсійны маршрут па ўсіх святочных пляцоўках,
• Арганізавана выстава Мінскага трактарнага завода і выстава-кірмаш з працамі падворкаў з «Александрыйскай гасціны»,
• На маладзёжнай пляцоўцы будуць праходзіць творчы і сельскагаспадарчы праекты,
• Адбудзецца спаборніцтва па паўэрліфтынгу,
• Будзе працаваць дзіцячая пляцоўка, дзе пакажуць спектакль акцёры з тэатра лялек,
• Цырк-шапіто пакажа шоу з розных цыркавых жанраў,
• Пройдуць экспазіцыі «Малая радзіма» і «Тканае неба Александрыі»,
• Можна будзе наведаць краязнаўчы музей Александрыі,
• Арганізавана тэматычная пляцоўка, якая прысвечана аўтамабільнай інспекцыі Рэспублікі Беларусь.

На малой канцэртнай пляцоўцы з раніцы адбудзецца паказ канцэртнай праграмы з удзелам дзяцей і падлеткаў з розных прадзюсарскіх цэнтраў, у абед будуць выступаць калектывы з беларускіх грамадскіх аб’яднанняў. Пасля пакажа прадстаўленне група «Jazz City Band», і адбудуцца цырымоніі ўзнагароджання і адкрыцця фестывалю.

На галоўнай канцэртнай пляцоўцы познім вечарам арганізаваны вялікі канцэрт, дзе будуць выступаць народныя калектывы, артысты сучаснай эстрады, а ў 23.00 будзе пяціхвілінны маляўнічы феерверк.

Пасля яго да 02.00 можна будзе патанчыць на дыскатэцы, прысвечанай 80-90 гадам, дзе будуць удзельнічаць лепшыя ды-джэі нашага часу.І гэта толькі малая частка таго, што Вас там чакае!

Фестываль «Александрыя збірае сяброў» падыдзе ўсім, хто шукае новыя знаёмствы і забавы. Так што нічога не плануйце на выходныя і смела адпраўляйцеся ў Шклоўскі раён Магілёўскай вобласці, не забываючы з сабой сродкі індывідуальнай абароны, бо на свяце ў абавязковым парадку выконваецца санітарна-эпідэміялагічны рэжым. Александрыя чакае вас!