Дата публікацыі:
14 кастрычніка 2021
Мы не раз казалі, што ў Беларусі шмат цікавых мясцін, якія варта наведаць кожнаму яе жыхару. І мы працягваем гэта паўтараць і прапаноўваць Вам наведаць славутасці нашай краіны! Гэтым разам мы падрыхтавалі для Вас падборку максімальна разнастайных мясцін, каб Вы маглі выбраць адпаведную сабе.
Мемарыяльны комплекс «Буйніцкае поле»
Гэта месца знаходзіцца ў прыгарадзе Магілёва і прысвечана Вялікай Айчыннай вайне. У Беларусі шмат помнікаў, звязаных з вайной 1941-1945 гг., але гэты мае асаблівае значэнне. Падчас вайны немцы планавалі хутка захапіць Магілёў, але абарона горада працягвалася 23 дні.
.jpg)
У гонар такой гераічнай абароны ў 2002 годзе быў узведзены мемарыяльны комплекс, на тэрыторыі якога знаходзяцца рэшткі ваеннай тэхнікі.
Падзеі тых дзён таксама апісаны ў рамане «Жывыя і мёртвыя» Канстанціна Сіманава, які быў ваенным карэспандэнтам і прысутнічаў у часе абароны горада. Таму можна сумясціць наведванне гэтай мясціны з чытаннем кнігі, што дазволіць перажыць атмасферу тых гадоў.
На дадзеным аб'екце ёсць паніжэнне бардзюрнага каменю, што дазваляе людзям з абмежаванымі магчымасцямі бесперашкодна падарожнічаць.
Блакітная Крыніца
Самая вялікі крыніца Усходняй Еўропы размешчана ў вёсцы Кліны. Крыніцу адносяць да святых, і лічыцца, што вада дзейнічае на арганізм гаюча. Вада сапраўды прыдатная для пітва і пры гэтым ўзбагачаная мінераламі, таму турысты набіраюць яе ў ёмістасці і вязуць з сабой.
Таксама існуе легенда, што калі перайсці возера тройчы, то чалавек больш ніколі не будзе хварэць. Але ў такім выпадку варта быць гатовым да таго, што вада ў крыніцы хоць і смарагдава чыстая, але вельмі халодная.
Палац Пуслоўскіх
Наступны пункт − вёска Косава ў Івацэвіцкім раёне. Тут турысты знойдуць неагатычны палац Пуслоўскіх. У гэтым будынку 12 вежаў, і іх колькасць звязана з колькасцю месяцаў у годзе.
У палацы было вельмі шмат пакояў − 132, пры гэтым ходзяць легенды пра ўнутранае аздабленне гэтага будынка, калі ён яшчэ быў домам Пуслоўскіх. Напрыклад, адно з іх − «музычная лесвіца»: сцяна каля лесвіцы была з полых костак жывёл, таму пры спуску, калі адзенне датыкалася сцяны, узнікаў музычны эфект.
У палаца была няпростая гісторыя: яго прайгравалі ў карты, уладальнікі замка часта мяняліся, падчас Першай сусветнай вайны яго разрабавалі, а падчас Другой − спалілі. Але, нягледзячы на гэта, палац быў адрэстаўраваны, і цяпер турысты ездзяць туды на экскурсію.
Касцёл Святой Тройцы
І тэма славутасцей Беларусі не была б раскрытая, калі б мы не распавялі хаця б пра адзін рэлігійны будынак. Касцёл Святой Тройцы – акурат тое, што варта ўбачыць кожнаму падарожніку! Касцёл знаходзіцца ў вёсцы Гервяты Гродзенскай вобласці.
.jpg)
Яго адметнасць − вышыня, якая складае 61 метр і робіць касцёл самым высокім у рэспубліцы. Яшчэ адзін цікавы момант з гісторыі касцёла − спецыяльна для яго будаўніцтва была пабудавана цагельня. Пры наведванні гэтага месца турысты шпацыруюць па дэндрарыі каля касцёла, у якім больш за 2 тысячы раслін.
У артыкуле мы ахапілі разнапланавыя славутасці, сярод якіх Вы можаце абраць адпаведныя вашаму настрою і густу. Натхняйцеся на вандроўкі па Беларусі разам з намі!