Дзе знаходзіцца беларуская Аляска?

Аграсядзіба "Утрына" – пераможца ХХІ Рэспубліканскага турыстычнага конкурсу "Пазнай Беларусь-2023" у намінацыі "Аграэкасядзіба года".

Ці ведаеце вы, што ў Беларусі ёсць не толькі Мальдывы, але і самая сапраўдная Аляска?! На краі Галубіцкай пушчы сярод найпрыгажэйшых азёр у вёсцы Маргі Глыбоцкага раёна знаходзіцца не менш неверагоднае месца – аграсядзіба "Утрына"!

Аграсядзіба "Утрына" зачароўвае і акунае ў сваю атмасферу ўжо з першых хвілін. Яшчэ б! Дзе яшчэ ў Беларусі вы адчуеце побыт індзейскай вёсачкі і акунецеся ў свет дзікай прыроды?! Такое вам не прапануюць больш нідзе: начлег і распальванне вогнішча ўнутры тыпi, стральба з індзейскага лука, пляценне лаўцоў сноў, пачастунак індзейскімі стравамі і травяной гарбатай, легенды каля ачага ад правадыра чырванаскурых і многае іншае.

Пастаяльцам прапануецца атмасфернае размяшчэнне на выбар: тыпi (вiгвам) – традыцыйнае жыллё качавых індзейцаў або гасцявы дом-будан у стылі а-frame з трохкутным дахам і панарамным вокнамі. Цікавы факт: як у доме а-frame, так і ў тыпi, пры размяшчэнні сцен, вокнаў, дзвярэй і прадметаў інтэр'еру ўжываецца правіла залатога сячэння – матэматычная суадносіна, якая стварае гармонію і агульнае прыемнае ўражанне ад абстаноўкі.

Дадатковую экзотыку аграэкасядзібе "Утрына" надаюць жывёлы: 28 хаскі, 11 коней беларускай запражной пароды, а таксама козы, авечкі, карова.

У кантактным міні-заапарку можна сфатаграфавацца з хатнімі жывёламі, а ў гадавальніку хаскі – пагутарыць з гэтымі неверагодна прывабнымі сабакамі.

Гаспадары сядзібы прапануюць разнастайныя віды актыўнага адпачынку з удзелам жывёл, што спрыяе збавенню ад залішняй застрэсаванасці і стомленасці:

• катанне ў запрэжцы з хаскі;
• дог-трэкінг – пешаходныя паходы ў суправаджэнні сабак;
• канікрос – спартыўны бег чалавека з сабакам, злучаных паміж сабой спецыяльнай запрэжкай, калі жывёла цягне за сабой спартсмена, якi бяжыць;
• байкджорынг – разнавіднасць ездавога спорту, калі чалавек едзе на веласiпедзе, а сабака цягне веласiпед наперад;
• скутэрынг – чалавек перасоўваецца на скутэры, да якога запрэжаны сабака;
• язда верхам на конях без сядла па метадзе паўночнаамерыканскіх індзейцаў;
• конныя прагулкі;
• коннае шоу.

Інфраструктура аграсядзібы схіляе да паўнавартаснага адпачынку ўдалечыні ад гарадской мітусні. Тут ёсць лазня-купель, мангальныя зоны, тыпi-навес для правядзення мерапрыемстваў, уласны пчальнік і нават домік для правядзення сеансаў апітэрапіі – аздараўленчы сон на біяполi пчол.

Акрамя экзатычных варыянтаў турыстам прапануюць і больш звыклыя формы адпачынку:

• анімацыйныя экскурсійныя праграмы для дзяцей і дарослых;
• майстар-класы па пляценні лаўцоў сну, вывучэнню траў, гульні на дыджэрыду, пчалярству;
• фотатуры з гатовымі вобразамі індзейскіх персанажаў;
• прагулкі на веласiпедах;
• катанне на байдарках.

Дарэчы, аграсядзіба "Утрына" ўваходзіць у турыстычны кластар "Вялесаў шлях", які аб'ядноўвае 7 аграсядзіб і фермерскіх гаспадарак на мяжы Глыбоцкага, Ушацкага і Полацкага раёнаў: клоўнарыум на "Аранжавым млыне" і аграэкасядзібы "Краіна мар", "Цэнтр Еўропы", "Утрына", "Конны фальварак", "Мядзведжы Кут" і "Запаведны востраў".

Галоўная сутнасць такога тандэму: даць гасцям магчымасць атрымаць асалоду ад адпачынку ў гэтым маляўнічым рэгіёне, паказаць больш славутасцяў і даць максімальна шырокі спектр унікальных турпаслуг.