Як актыўна правесці выходныя ў снежні?

Сані ў конскай запрэжцы, снегаходы і іншыя забавы ў аграсядзібах

Прагулка на санях у конскай запрэжцы – мабыць, самая аўтэнтычная зімовая забава. Каму хочацца больш актыўнага, многія аграсядзібы прапануюць катанні на квадрацыклах і снегаходах, а пасля актыўнага дня прыемна правесці вечар у гарачай рускай лазні на дровах і акунуцца ў палонку ў сажалцы. 

Вось некалькі варыянтаў аграэкасядзіб, якія знаходзяцца ў месцах з непаўторнай прыродай і ўсімі магчымасцямі для зімовага адпачынку.

Сядзіба «Коні-поні». Мінская вобл., Валожынскі р-н, вёска Міхалова, 42-гі км трасы М7/М6.

Конная сядзіба «Буцэвічы». Мінская вобл., Мінскі р-н, вёска Буцэвічы.

Аграэкасядзіба «Ёдзішкі». Віцебская вобл., Браслаўскі р-н, хутар Ёдзішкі.

Сядзіба «Аколіца». Мінскі р-н, вёска Аколіца, д.1. У непасрэднай блізкасці знаходзяцца спартыўныя комплексы. Гэта выдатны варыянт для аматараў зімовага актыўнага адпачынку.

Зімовы кайтынг і зімовы віндсёрфінг

Гэты варыянт падыдзе аматарам экстрыму. Кайтынг і віндсёрфінг добрыя зімой толькі ў ветранае надвор'е.

Для кайтынгу выкарыстоўваецца тое ж абсталяванне, што і для аналагічнага летняга віду спорту, а ў віндсёрфінгу ветразі прымацоўваюцца да лыжнай або каньковай канструкцыі. Заняткі праводзяцца на пакрытым лёдам Мінскім моры з прафесійнымі інструктарамі віндсёрфінг-клуба «Экстрым», які знаходзіцца па адрасе Мінская вобл, Мінскі р-н, г. Заслаўе, Мінскае мора.

Гарналыжны адпачынак

Гарналыжныя курорты «Раўбічы», «Сілічы», «Лагойск» і «Сонечная даліна» здаюць у арэнду розны рыштунак ад стандартных лыжаў, сноўбордаў і цюбінгаў да снегаходаў і канькоў.

Смела адпраўляйцеся скараць снежныя схілы на лыжах або сноўбордзе незалежна ад таго пачатковец вы або дасведчаны спартсмен. Хуткасныя трасы пракладзены розных узроўняў складанасці і пад любы ўзровень падрыхтоўкі. Таксама на кожным курорце дзейнічае гарналыжная школа: калі вы яшчэ не катаецеся, але вельмі жадаеце адчуць яркія ўражанні, вы можаце скарыстацца паслугамі дасведчаных інструктараў. Яны дапамогуць асвоіць катанне максімальна хутка і бяспечна. 

Зімовы сплаў

Цяпер такая прыгажосць на берагах маленькіх рэк, дзе схіляюцца дрэвы! А пакуль лёд яшчэ не скаваў рэчышча, можна атрымаць асалоду ад зімовых краявідаў лясной ракі Іслач. А пасля неверагоднага сплаву вас будзе чакаць гарачы абед у сядзібе на беразе ракі і прагулка па экасцежцы з гідам. Арганізацыяй займаецца каманда кампаніі «Паход у народ» – экалагічны і культурны турызм у Беларусі. Іх вы лёгка знойдзеце ў Інстаграм, там жа можна пакінуць і запыт на ўдзел у зімовым сплаве. 

Зімовая экскурсія на балота

Незвычайна, ці не так? Зіма – зусім не турыстычны сезон для паходаў на балота да таго часу, пакуль не ляжа снег тоўстым пластом. Цяпер можна адпраўляцца ў дарогу і выходзіць на балота Ельня.

Навошта? Каб прайсціся на лыжах ці снегаступах па балоце, убачыць непаўторную прыгажосць зімы, зайсці ў месцы, куды летам не прабрацца. 

А таксама не забывайце, што зусім хутка самая чароўная ноч года і падрыхтоўка падарункаў усім сваім родным і блізкім запатрабуе ад вас не меншай актыўнасці. І калі вы яшчэ не вызначыліся, што падарыць, ведайце, самы лепшы і душэўны падарунак – гэта падарунак, зроблены сваімі рукамі. 

Праводзьце выходныя актыўна, уражвайцеся, вучыцеся новаму, адкрывайце незнаёмыя месцы, заводзьце цікавыя знаёмствы!