Незвычайныя месцы для падарожжаў па Гродзеншчыне

Размешчаная на захадзе Беларусі, яна ўяўляе сабой сапраўдную скарбніцу для аматараў падарожжаў. Багатая гістарычная спадчына, унікальная прырода і самабытная культура гэтага рэгіёна прапануе мноства магчымасцяў для незабыўнага адпачынку.

Унікальны архітэктурны стыль

На архітэктуру рэгіёна паўплывалі і геаграфічнае размяшчэнне, і этнічны склад насельніцтва. Тут можна ўбачыць элементы готыкі, барока і класіцызму, змешаныя з традыцыйным беларускім каларытам. У гарадах і вёсках – унікальныя і старажытныя касцёлы, цэрквы і сінагогі, што адлюстроўвае багатую гісторыю і культурную разнастайнасць рэгіёну. З году ў год не страчваюць сваёй папулярнасці сярод турыстаў касцёл святога Францішка Ксаверыя (Фарны) у Гродне, царква-крэпасць у Сынкавічах XV стагоддзя, а Свята-Успенскі Жыровіцкі мужчынскі манастыр XVII-XIX стагоддзяў летась наведала больш за 11 тысяч чалавек.

Інтэрактыўныя і займальныя экскурсіі

Сучасны турызм патрабуе не толькі атрымання гістарычных ведаў, але і яскравых эмоцый. Таму ў Гродзенскай вобласці актыўна ўкараняюцца інтэрактыўныя элементы ў экскурсіі. Анімацыі, дэгустацыі, майстар-класы і фрагменты абрадаў дазваляюць турыстам глыбей пагрузіцца ў мясцовую культуру і атрымаць незабыўныя ўражанні.

На Гродзеншчыне дынамічна развіваецца аграэкатурызм. Свае паслугі прапануюць 256 аграэкасядзіб. Размешчаныя ў маляўнічых кутках вобласці, яны прапануюць шырокую турыстычную праграму з элементамі гастраноміі: розныя майстар-класы, дэгустацыі, экскурсіі.

Адпачынак у Ліпічанскай пушчы

Канцэпцыя экалагічнага турызму набірае папулярнасць, і Гродзенская вобласць прытрымліваецца гэтага трэнду. Тут, на асабліва ахоўваемых прыродных тэрыторыях, турысты могуць атрымаць асалоду ад некранутай прыроды і пазнаёміцца з мясцовай флорай і фаунай. Маркіраваныя маршруты, месцы адпачынку і экасцежкі ператвараюць падарожжа ў пазнавальную прыгоду.

У 2023 годзе ў заказніках Гродзеншчыны з'явіліся новыя паслугі, якія карыстаюцца высокім попытам сярод турыстаў. Напрыклад, унікальны эколага-гістарычны маршрут "Сэрца Ліпічанскай пушчы" (Мастоўскі раён). Экалагічная сцежка, сафары, сплаў на байдарках па рацэ Шчара – гэта дазваляе атрымаць асалоду ад прыгажосцю прыроды і даведацца шмат новага аб гісторыі рэгіёну.

Па вузкакалейцы на мотадрызіне

Калі вы яшчэ не былі ў заказніку "Азёры", не забудзьцеся яго дадаць у свой турыстычны маршрут! Падарожжа па вузкакалейнай чыгунцы на электрычнай мотадрызіне ў суправаджэнні экскурсавода нікога не пакіне абыякавым. Менавіта гэты аб'ект і экскурсія "Дакрананне да прыроды" карысталіся найбольшым попытам у 2023 годзе: турыстычнымі паслугамі заказніка скарысталіся больш за 5 тысяч чалавек.

Сафары ў беларускім стылі

Для аматараў дзікай прыроды Гродзенская вобласць прапануе сафары-туры, экстрым-туры па бездарожжы на пазадарожніку, а таксама рэтрыт-туры з адпачынкам на прыродзе ў глэмпінгах у Нацыянальным парку "Белавежская пушча" (Свіслацкі раён). У турыстаў ёсць магчымасць убачыць жывых зуброў, ласёў, аленяў і іншых жывёл, гуляючы па запаведных лясах пад кіраўніцтвам вопытных гідаў. Такія туры забяспечваюць унікальны вопыт назірання за дзікай прыродай у натуральным асяроддзі пасялення.

Дарэчы, даволі папулярным сярод турыстаў з'яўляецца паляўнічы турызм. На тэрыторыі паляўнічых угоддзяў Гродзенскай вобласці пабудавана 18 паляўнічых комплексаў. Уладкаваны назіральныя пляцоўкі. Паляванне дазволена на 53 віды дзікіх жывёл, у тым ліку на 22 віды млекакормячых і 31 від птушак.

Прамысловы турызм прапануе…

Самыя папулярныя прадпрыемствы вобласці, даступныя для наведвання турыстамі, – шклозавод "Нёман" і "Лідахарчканцэнтраты", але лідзіруючыя пазіцыі сярод аб'ектаў прамысловага турызму мінулага года заняло "Лідскае піва". Дарэчы, да прамысловага турызму падключаюцца і прыватныя прадпрыемствы. Сярод іх "Мядовы шлях" (Гродзенскі раён) і смаўжовая ферма ПУП "Ратоў" (Карэліцкі раён). Сваю экскурсійную праграму яны дапаўняюць дэгустацыяй прадуктаў уласнай вытворчасці.

Горад-музей Гродна

Цікавы факт: каля 75 працэнтаў аб'ектаў гісторыка-культурнай спадчыны Беларусі знаходзіцца менавіта на Гродзеншчыне. Ёсць сярод іх і аб'екты Сусветнай культурнай спадчыны ЮНЕСКА. Замкавы комплекс "Мір", Дуга Струвэ. І, вядома ж, Гродна – адзін з найстаражытных гарадоў краіны, які яшчэ называюць "горад-музей". Яго гістарычны абрыс застаўся нязменным да сённяшніх дзён, а цэнтр Гродна з'яўляецца помнікам горадабудаўніцтва і ўключаны ў Дзяржаўны спіс гісторыка-культурных каштоўнасцей Рэспублікі Беларусь.

…Падводзячы вынік, важна адзначыць, што Гродзенская вобласць – гэта дзіўны край, дзе мінулае і сучаснасць пераплятаюцца ва ўнікальным сімбіёзе. Багатая гісторыя і самабытная культура ператвараюць яго ў ідэальнае месца для падарожжаў і незабыўных уражанняў.