Паляўнічы турызм: дзе можна паляваць у Беларусі

Паляўнічы турызм: дзе можна паляваць у Беларусі

Паляўнічы турызм – гэта від падарожжаў, якія падыходзяць азартным і актыўным людзям. Гэты від турызму даволі-такі дарагі і патрабуе спецыяльнай падрыхтоўкі. Турысту неабходна атрымаць розныя ліцэнзіі, а для суправаджэння патрэбныя высокакваліфікаваныя спецыялісты, што таксама ўплывае на цану тураў.

Але пры гэтым дадзены від турызму ўсё адно папулярны, асабліва сярод тых, хто любіць адпачынак на свежым паветры.

Паляўнічы турызм у Беларусі

Беларусь вядомая сваёй прыгожай прыродай, густымі лясамі і вялікай колькасцю рэк і азёр. Таксама ў нас дастаткова шмат дзікіх жывёл, якія рэдка сустракаюцца ў іншых еўрапейскіх краінах. А самі беларускія паляўнічыя ўгоддзі складаюць 17 млн. гектараў. Таму ў Беларусь часта прыязджаюць паляваць замежныя турысты.

У беларускіх лясах жывуць ласі, высакародныя алені, казулі еўрапейскія, ваўкі, зайцы, лісы, вавёркі, куніцы, а таксама такія ахоўныя віды жывёл, як зубр, рысь і буры мядзведзь. Калі на зубра (але толькі з рэзервовага генафонду) яшчэ можна паляваць, то рысь і буры мядзведзь знаходзяцца ў Чырвонай кнізе і іх адстрэл строга караецца.

Дзе палююць у Беларусі?

Як мы ўжо казалі, у нашай краіне дастаткова шмат месцаў для палявання. Але варта адзначыць такія месцы, як Браслаўскія азёры, Белавежская пушча, Белы бор, Чырвоны бор і Гаспадарка «Лебядзіная».

Браслаўскія азёры

Гэта група азёр - беларуская славутасць, якая прыцягвае сваёй прыгажосцю турыстаў з розных краін. Але і паляўнічым тут таксама ёсць чым заняцца.

Плошча для палявання складае 221 гектар. Тут можна сустрэць баброў, качак, ласёў, зайцоў і іншых відаў жывёл. Для паляўнічых тут аказваюць поўны комплекс паслуг па арганізацыі адпачынку: сустрэча, размяшчэнне на тэрыторыі парка, паляўнічыя мерапрыемствы і іншыя паслугі.

Белавежская пушча

У Белавежскай пушчы жывуць ваўкі, куніцы лясныя, лісы, казулі, дзікі, ласі і іншыя драпежнікі і буйныя капытныя.

Тут арганізацыяй палявання займаецца паляўнічая гаспадарка «Выганаўская». На яе тэрыторыі пастаянна падтрымліваюцца спрыяльныя ўмовы для існавання жывёл, таму тут іх шмат і ніводзін паляўнічы не сыдзе без здабычы.

Белы бор

Усе віды сезонных паляванняў можна знайсці ў гаспадарцы «Белы бор». Тут палююць на кабана, лася, казулю, зайца, бабра, балотных і вадаплаўных птушак, а таксама на плямістага і высакароднага аленя, муфлона, лань. Велізарная колькасць жывёл, а таксама камфортныя ўмовы для адпачынку зробяць адпачынак адначасова і насычаным, і расслабляльным для турыстаў.

Чырвоны бор

Калі гаварыць пра паляўнічую гаспадарку з самай вялікай колькасцю трафейных жывёл, то гэта "Чырвоны бор". Тут можна сустрэць аленяў, ласёў, барсукоў, ваўкоў, ліс, янотападобных сабак, а таксама глушцоў, цецерукоў, слонак і іншых жывёл. Таксама тут жывуць нехарактэрныя для гэтай мясцовасці муфлон і лань.

Таму аматарам разнастайнасці адназначна варта наведаць "Чырвоны бор" для палявання.

Гаспадарка «Лебядзінае»

Тут палююць на ласёў, кабаноў, казуль, баравую (глушэц, цецярук) і іншую птушыную дзічыну (качар, слонка), а таксама пушных звяроў. Паляўнічая гаспадарка «Лебядзіная» валодае вялікай колькасцю азёр (іх больш за 30), а таксама неверагоднай прыгажосці раўнінным рэльефам з узгоркамі і нізінамі.

Таму «Лебядзінае» – гэта не толькі месца для палявання, але і проста маляўнічае месца, у якім прыемна адпачыць.

Калі вы хацелі паспрабаваць паляванне, то выбірайце адно з апісаных намі месцаў, і вы дакладна не пашкадуеце.