Дата публікацыі:
7 снежня 2024
Велатурыст і фатограф Дзмітрый Ленкавец пабываў ва ўсіх 118 раёнах нашай краіны. Яго пазнавальныя матэрыялы пра розныя куткі Беларусі, падрыхтаваныя пасля веласіпедных тураў, сабраны на сайце LDD.by.
Гэта выдатнае дапамога для тых, хто любіць падарожнічаць па радзіме. Асобны раздзел прысвечаны Пінску, дзе пражывае аўтар.
Белтэлерадыёкампанія аб'ядноўвае 7 тэлеканалаў і 5 радыёстанцый. У эфіры кожнага медыя знаходзіцца месца для аповеду пра незлічоныя багацці нашай зямлі. Папулярнай стала праграма «Еда хоть куда» на «НТВ-Беларусь», якая прапануе гастранамічныя падарожжы па Сінявокай.
«Сталічнае тэлебачанне» — сапраўдны брэнд журналістыкі. У велізарнай палітры тэм карэспандэнты канала не пакідаюць без увагі гісторыка-культурную спадчыну Беларусі. Адзін з праектаў СТВ — «Земля памяти» — стваральнікі пазіцыянуюць як карту скарбаў нашай рэспублікі.
Не раз узнагароды конкурсу «Пазнай Беларусь» атрымлівала рэдакцыя газеты «Браслаўская звязда». Прыродныя багацці, помнікі гісторыі і архітэктуры, народныя традыцыі — усё гэта ўяўляе вялікую цікавасць для рэгіянальных журналістаў, якія шчыра любяць свой край.