Дата публікацыі:
19 жніўня 2022
У наш час шмат хто працуе днямі напралёт, але не варта забываць пра адпачынак і сваё здароўе. Санаторыі Брэсцкай вобласці будуць рады прыняць вас у якасці сваіх гасцей. Тут вам дапамогуць перазагрузіцца і расслабіцца. Усім вядома, што санаторыі ў Беларусі славяцца высокім узроўнем абслугоўвання і аказаннем рознага кшталту паслуг, якія палепшаць ваша здароўе. У гэтым артыкуле мы падабралі некалькі здраўніц, у якіх, на нашу думку, адпачынак будзе найлепшым.
Санаторый «Белая вежа»
Здраўніца размешчана недалёка ад галоўнага набытку Брэсцкай вобласці – Белавежскай пушчы. Гэты старажытны лес уключаны ў спіс сусветнай спадчыны ЮНЭСКА. Тут у паветры вы адчуеце прыемны водар сасновага бору і ядлоўцу. Але галоўнай задачай санаторыя з'яўляецца стварэнне найлепшых умоў для аздараўлення чалавечага арганізма.
У гэтым месцы вам гарантуюць якаснае поўнае лячэнне дыхальнай сістэмы, апорна-рухальнага апарату і сардэчна-сасудзістай сістэмы. Кваліфікаваныя спецыялісты ў любы час гатовы вам дапамагчы і зрабіць усё для таго, каб ваш адпачынак быў камфортным і прыемным! У вольны час наведвальнікі не засумуюць: санаторый пастаянна праводзіць забаўляльныя мерапрыемствы, кінасеансы, дыскатэкі, майстар-класы і многае іншае.
Санаторый «Ружанскі»
Гэты санаторый мае найвышэйшую санаторна-курортную катэгорыю. Тут, акрамя высакакласнага лячэння, ёсць аквапарк з воднымі атракцыёнамі, басейн, пляцоўкі для валейбола, баскетбола і многае іншае.
Сучасны аздараўленчы комплекс размешчаны ў маляўнічым месцы на беразе возера Паперня. Аздараўленчую праграму прапануюць нават дзецям ад 2-х гадоў! Уважлівы і прыязны персанал пакіне пра сябе толькі прыемныя ўражанні.
Санаторый «Ясельда»
Здраўніца размешчана недалёка ад Пінска ў лесапаркавай зоне побач з трыма вадаёмамі. Месца сапраўды вельмі прыгожае. Удалечыні ад гарадской мітусні ў вас будзе магчымасць адпачыць, атрымаць асалоду ад водараў лекавых раслін у паветры, паправіць сваё здароўе і зарадзіцца класнымі ўражаннямі.
Штогод «Ясельду» наведвае каля 3000 жыхароў Беларусі. Ва ўтульных нумарах ёсць усё неабходнае: бясплатны WI-FI, ацяпленне, кандыцыянер і г.д. Сучасная рэабілітацыйная база санаторыя дазваляе ажыццяўляць якаснае лячэнне. Тут вам змогуць прапанаваць да 80 відаў медыцынскіх паслуг.
Санаторый размешчаны за 6 км ад Брэста і з'яўляецца шматпрофільным. Гэта не проста месца, дзе сонца свеціць 365 дзён на год, тут сама прырода спрыяе адпачынку. Здраўніца спецыялізуецца на лячэнні дыхальнай сістэмы, апорна-рухальнага апарату, нервовай сістэмы і, што асабліва актуальна ў нашы дні, прапануе рэабілітацыю пасля COVID-19. Гонар «Сонечнага» – уласная мінеральная крыніца. Пастаяльцы санаторыя маюць магчымасць пакаштаваць натуральныя прадукты. Напрыклад, казінае малако. Дарэчы, на тэрыторыі санаторыя ёсць заакуток, які асабліва ўпадабалі дзеці. Што можа быць лепш за конную прагулку па хваёвым бары? У санаторыі лічаць, што добры настрой – гэта залог паспяховага лячэння, таму тут для вас зробяць усё, што толькі пажадаеце!
Як вы ўжо маглі пераканацца, адпачынак у санаторыях Брэсцкай вобласці насычаны і разнастайны. Блізкасць санаторыяў да гістарычных аб'ектаў дазваляе гасцям падарожнічаць і пашыраць свой кругагляд. У любым разе, варта помніць, што за здароўем трэба сачыць і даваць сабе найменшую нагоду для такога нязмушанага адпачынку на Палессі.