Цэнтр акіянаграфіі «Адкрыты акіян» Спецыялізаваны музей

Мінск / вуліца Брылеўская, 3
Цэнтр акіянаграфіі «Адкрыты акіян»
Спецыялізаваны музей

Беларусь – краіна, якая не мае выхаду да мора. Аднак тут сярод гарадскіх будынкаў можна знайсці куток дзіўнай акіянічнай фауны. Гэта Цэнтр акіянаграфіі «Адкрыты акіян» па вуліцы Брылеўскай, 3 у Мінску. Знаходзіцца гэты цэнтр у невялікім падвальным памяшканні, якое аформлена вельмі тэматычна, бо размалявана пад старажытную падводную лодку.

Памяшканне музея невялікае па памерах. Аднак вам здаецца, што вы сапраўды знаходзіцеся на ўтульнай падводнай лодцы, бо музей размешчаны ў падвале і з'яўляецца кампактным. Тут прадстаўлены прысвечаныя маракам экспанаты і іх асабістыя рэчы, макеты субмарын, дакументы і архіўныя фотаздымкі, амуніцыя. Таксама тут можна знайсці экспазіцыю, якая прысвечана вялікаму французскаму даследчыку Кусто. Па цэнтру аднаго з памяшканняў пад нагамі можна нават убачыць вялікі компас. Цэнтр дзеліцца на 5 тэматычных зон: кожная прысвечана аднаму з пяці акіянаў Зямлі. Экскурсія пачынаецца з удара ў карабельны звон - рынду. Экскурсія стартуе ... з Беларусі! Праз беларускія рэкі вы патрапіце ў Чорнае мора, а потым - у Міжземнамор'е. I ў выніку вы патрапіце ў Атлантычны акіян. А далей – будзеце плаваць па пяці акіянах. У кожнай геаграфічнай зоне цэнтра прадстаўлены ўнікальныя жывыя экспанаты. Напрыклад, у зоне Iндыйскага акіяна жыве мурэна-зебра, а ў Карыбскай зоне – рыбкі-клоуны і крэветкі. Ёсць у акіянарыуме ўнікальны экспанат – мечахвост. Гэта істота дажыла да нашых часоў амаль у нязменным выглядзе яшчэ з эры дыназаўраў!

Таксама вы можаце «пабываць» разам з беларускімі палярнікамі ў халоднай Антарктыцы, бясплатна сфатаграфавацца ў вадалазным скафандры ці шлеме лётчыка. I пабачыць усе прыгажосці акіянарыума. Ён прадстаўлены акварыумамі розных памераў, у якіх жывуць прадстаўнікі розных кліматычных зон. Тут вы знойдзеце нават маленькіх акул, крэветак, крабаў, саламандру, трытона, марскіх чарапах, малюскаў, а таксама ігуану. Усіх жыхароў песцяць спецыялісты цэнтра, якія з задавальненнем дзеляцца з наведвальнікамі інфармацыяй пра падводны свет.

У цэнтры праводзяцца не толькі экскурсіі, але і дзіцячыя святы: гасцей весяляць аніматары, тут праводзяцца гульні і конкурсы, а таксама ёсць магчымасць для арганізацыі салодкага стала. Цэнтр прапануе паслугі клуба дайвераў і падводнікаў, літаратурнага клуба, дзіцячых гурткоў і навуковай суполкі для навучэнцаў. Тут ёсць бібліятэка, невялікая відэазала і электронная лабараторыя, а яшчэ спецыяльны камп'ютэр, які можа імітаваць навальніцы, прылівы і адлівы. Яскравай падзеяй цэнтра стала нараджэнне ў яго сценах маленькай акулы ў лістападзе 2018 года.

Час працы Цэнтра акіянаграфіі «Адкрыты акіян»:

панядзелак – нядзеля з 10:00 да 18:00