Аграэкатурызм – гэта актыўны і аздараўленчы адпачынак, далучэнне да нацыянальнай культуры, традыцый і побыту. Галоўная мэта – пазнаёміць жыхароў Беларусі і замежных гасцей з турыстычным патэнцыялам нашай краіны, яе ўнікальнай прыродай і народнымі вытокамі.

У нашай краіне ён зарадзіўся не так даўно, але стаў адным з самых прыярытэтных і запатрабаваных кірункаў у турыстычнай сферы Беларусі.

Беларускі агратурызм прапануе шырокі спектр магчымасцяў для адпачынку: ад утульных хатак у вёсцы ля маляўнічых вадаёмаў і ўзлескаў да гістарычных сядзіб.

Перавагі сельскага турызму для беларускіх і замежных гасцей:

  • самабытная культура ў кожным рэгіёне краіны;
  • знакамітая беларуская гасціннасць;
  • сінявокая Беларусь – край рэк і азёр, лясоў і палёў;
  • даступны кошт паслуг;
  • бязвізавае знаходжанне для грамадзян больш чым 70 краін.

Галоўная асаблівасць беларускага аграэкатурызму заключаецца ў поўным пагружэнні ў сельскае жыццё, ва ўнікальную культуру і гастраномію. Турысты не толькі даведаюцца аб традыцыйных сельскіх рамёствах, кулінарных асаблівасцях, народных песнях і танцах, але і змогуць пакаштаваць стравы беларускай кухні, прыгатаваныя са свежых мясцовых прадуктаў, і нават паспрабаваць сябе ў ролі вясковага жыхара.

Нашы сядзібы радуюць гасцей незвычайнымі паслугамі:

  • начлег у адрыне;
  • пражыванне ў ярангу або глэмпінгу;
  • праца ў агародзе;
  • догляд за жывёламі;
  • пілаванне і колка дроў;
  • прагулка на SUP-бордзе.

Лідары па колькасці аб'ектаў аграэкатурызму сярод абласцей Беларусі:

  • Мінская (371 сядзіба);
  • Гродзенская (260 сядзіб);
  • Брэсцкая (260 сядзіб).

Дарэчы, гэты месяц абяцае быць насычаным на падзеі і факты. Нас чакаюць:

  • прэс-канферэнцыi;
  • круглыя сталы;
  • семінары;
  • інфармацыйныя сустрэчы па праблемах і перспектывах развіцця аграэкатурызму ва ўсіх рэгіёнах краіны;
  • дні адчыненых дзвярэй у аграэкасядзібах;
  • прэзентацыі турыстычных аб'ектаў;
  • майстар-класы.

І нагадваем вам, што працягваецца прыём заявак для ўдзелу ў рэспубліканскім турыстычным конкурсе «Пазнай Беларусь-2024» у намінацыі «Аграэкасядзіба года».

У 2023 годзе былі адзначаны:

  • аграэкасядзіба «Утрына» (Глыбоцкі р-н)
  • аграэкасядзіба «Лупачы» (Мастоўскі р-н)
  • аграэкасядзіба «Сырная даліна» (Слаўгарадскі р-н)
  • аграэкасядзіба «Вецер у грывах» (Буда-Кашалёўскі р-н)
  • аграэкасядзіба «Альтанка» (Маладзечанскі р-н)
  • аграэкасядзіба «Тамай» (Баранавіцкі р-н)

Калі вы жадаеце паказаць свой унікальны праект, запрашаем да ўдзелу ў 2024 годзе!