Стартуе збор заявак для ўдзелу ў штогадовай рэспубліканскай турыстычнай акцыі "Вандруй. Адчуй. Натхняйся"!

Рэспубліканская турыстычная акцыя "Вандруй. Адчуй. Натхняйся" пройдзе ў Беларусі з 3 па 9 чэрвеня 2024 года. Арганізатары – Міністэрства спорту і турызму Рэспублікі Беларусь і Нацыянальнае агенцтва па турызму.

Кожны год удзельнікамі акцыі могуць стаць любыя турыстычныя аб'екты краіны ў кожным яе кутку. Для гэтага дастаткова падаць заяўку, запоўніўшы спецыяльную форму на сайце Нацыянальнага агенцтва па турызму.

Акцыя "Вандруй. Адчуй. Натхняйся" – гэта:

  • бясплатныя экспазіцыі ў гарадскіх і школьных музеях, мастацкіх галерэях;
  • бясплатныя майстар-класы ва ўстановах культуры, спорту і адукацыі;
  • бясплатныя экскурсіі і квэсты;
  • дні адчыненых дзвярэй у аграсядзібах, санаторыях, турыстычных комплексах, прыродных заказніках і парках;
  • дэгустацыі страў нацыянальнай кухні ў мясцовых аб'ектах харчавання;
  • прэзентацыі паслуг, зніжкі і бонусныя прапановы.

З поўным спісам удзельнікаў акцыі вы зможаце азнаёміцца пазней на нашым сайце.