Адрас:
Віцебская вобласць, Полацкі раён, г. Полацк, вул. Тусналобавай-Марчанка, 1
Музей баявой славы адкрыўся ў 1971 г. каля падножжа Кургана Бессмяротнасці.
Экспазіцыя музея прысвечана гісторыі стварэння і баявой дзейнасці Полацкага ўмацаванага раёна, абароне Полацка ў чэрвені-ліпені 1941 г., жыцці горада ў перыяд нямецка-фашысцкай акупацыі, дзейнасці падпольшчыкаў і партызан, вызваленню Полацка ў ходзе Полацкай франтавой наступальнай аперацыі.
Значнае месца ў экспазіцыі займаюць матэрыялы, што расказваюць пра палачан — Герояў Савецкага Саюза.
Сярод экспанатаў музея — дакументы, фотаздымкі, асабістыя рэчы ўдзельнікаў абароны і вызвалення Полацка, падпольшчыкаў і партызан, баявая зброя савецкай і замежнай вытворчасці.