Адрас:
Віцебская вобласць, Полацкі раён, г. Полацк, вул. 23 гвардзейцаў, д. 1
Музей-кватэра Героя Савецкага Саюза З. М. Тусналобавай-Марчанка быў адчынены 3 ліпеня 1987 г. Экспазіцыя размясцілася ў адным з пакояў дома, у якім з 1975 па 1980 г. пражывала Зінаіда Міхайлаўна Тусналобава-Марчанка — ганаровы грамадзянін г. Полацка, санінструктар стралковай роты, якая выратавала жыццё дзясяткам байцоў і камандзіраў Чырвонай Арміі ў гады Вялікай Айчыннай вайны.
У экспазіцыі музея прадстаўлены дакументы, фотаздымкі, асабістыя рэчы і ўзнагароды З. М. Тусналобавай-Марчанка.
Сярод узнагарод найбольшую цікавасць выклікае медаль Флорэнс Найтыгейл, што прысуджаецца Міжнародным Чырвоным Крыжам медыцынскім сёстрам за выключную адданасць сваёй справе і храбрасць пры аказанні дапамогі параненым і хворым.