Адрас:
Віцебская вобласць, Полацкі раён, г. Полацк, вул. Ніжне-Пакроўская 11
Экспазіцыя Краязнаўчага музея, заснаванага ў 1926 г., размяшчаецца ў будынку былой лютаранскай кірхі, пабудаванай у 1888 г. Сёння амаль 1500 музейных прадметаў, самым старажытным з якіх каля 15 тысяч гадоў, расказваюць аб гісторыі горада са старажытнейшых часоў да пачатку Вялікай Айчыннай вайны. Большая частка з іх — рарытэты: меч Х ст. з кляймом франкскага майстра Ульфберта, Казьянкаўскі манетны скарб ІХ—Х стст., фрагменты тынкоўкі з фрэскамі полацкіх храмаў, кальчуга і кірасы ХІV—ХVІ стст., выданні Полацкай езуіцкай друкарні ХVІІІ ст. і дакументы першых год савецкай улады і часоў сталінскіх рэпрэсій. У музеі праводзяцца аглядныя і тэматычныя экскурсіі, музейна-педагагічныя заняткі і зменныя выстаўкі.